Dende IESGA queremos facer público o noso apoio á candidatura á Reitoria da Universidade da Coruña de Nova Luce, encabezada polo profesor Xosé Luís Armesto.

O estudantado da universidade representa o 28% dos votos totais emitidos. Isto supón un importante peso específico dentro do proceso. O estudantado sempre foi determinante á hora de decidir a victoria dos reitores. Nos tempos difíciles polos que estamos a pasar é máis importante que nunca implicarse, levantar a voz e reclamar o modelo de universidade que queremos. Agora máis que nunca temos que apostar todas e todos por un modelo de educación pública e de calidade, que é o defendido pola candidatura que IESGA apoia.

Desgraciadamente tivemos tempo de comprobar como a dereita está a desprestixiar  educación públca. O seu cuestionamiento constante está a facer moito dano a un sistema que de educación para todos e todas que levou moitos anos construír. Ese é o modelo da dereita cando alcanza o poder en calquera administración. Non hai máis que fixarse no que está a suceder en Galicia. O goberno autonómico está a precarizar e afogar orzamentariamente á nosa universidade, baixando drásticamente o noso orzamento, eliminando bolsas para estudantes, negándose a construir a residencia pública prometida (sendo a UDC a única universidade galega sen residencia pública de estudantes), non dotando dos medios económicos e de recursos humáns necesarios para facer a transición ó plan de estudos de Boloña, etc

Nesta situación celebrase a segunda volta das eleccións a reitor na UDC. Temos ante nós a posibilidade de elixir entre dous candidatos. Pero é moito máis que iso. Temos a posibilidade de elixir o modelo de universidade que queremos.

Xosé Luís Armesto foi vicerreitor de profesorado no actual equipo, durante os oito anos. En todo este tempo demostrou, con feitos, o modelo de universidade que defende: unha universidade pública, laica e de calidade. Unha universidade que apostou, a pesar do recurte no seu financiamento, por priorizar o servizo público. Unha universidade que decidíu suplir algunhas das funcións do goberno autonómico cando a dereita decidíu recortar. Así,  cando a Xunta recortaba en bolsas a estudantes a universidade aumentábaas, cando a Xunta se negaba a construír a residencia pública a universidade loitaba para conseguila, cando a Xunta olvidaba o importante do transporte público para o estudantado a universidade subvencionaba os  nosos billetes, cando a Xunta se despreocupaba polo importante paro e a destrucción de emprego en mozos e mozas titulados a universidade volcábase na creación de convenios con empresas para dar un primeiro paso cara inserción laboral dos seus estudantes… Estas son só algunhas das medidas que se tomaron polo equipo de goberno do que o profesor Armesto formou parte. Seguramente non se fixo todo ben, seguramente quedaron cousas no tinteiro, pero é ben certo que se fixeron moitas outras, que por fin na UDC, logo dunha longa noite de pedra, se apostou pola eduación pública, polos dereitos, se apostou por colocar ó estudantado no centro da política da universidade.

Pola outra banda se nos presenta o candidato da dereita, Luis Castedo, que intenta vendernos fume e maquillar o modelo de universidade que defende con bonitas frases e baixo unha falsa pluralidade ideolóxica. Este candidato, respaldado pola mesma dereita que está na Xunta de Galicia, pretende por en práctica no noso fogar, a universidade, o ataque á educación pública que leva facendo o goberno da dereita do noso país. Así, de chegares á reitoría, xa non haberá ninguna administración que defenda os intereses da universidade pública e dos seus estudantes.

A educación pública é os instrumento de igualdade máis importante desta sociedade. Os dereitos son aquelo que nos iguala a todos e todas.  A nosa é unha universidade na que todas e todos somos iguais, na que temos as mesmas oportunidades e que costou moitos anos construir. Unha universidade, tamén, na que queda moito camiño por facer e mellorar. Non podemos permitir que modelos elitistas e privatizadores, como ten demostrado a dereita alá onde goberna, cheguen a reitoría e destrúan o importante camiño feito por esta universidade así como todas as súas expectativas de futuro.

Por iso vos pedimos que vos movilicedes, que digades co voso voto o modelo de universidade que queremos. Pedímosvos que apoiedes á candidatura que defendeu e defende os nosos intereses, a nosa participación activa na vida da universidade; á candidatura que nos representa como estudantes e que loitará porque sigamos mellorando as condicións da nosa formación e da nosa inserción laboral, a candidatura de Xosé Luís Armesto.   

http://armesto2011.org/

Iniciativa Estudiantil Galega – IESGA participou onte na feira de asociacións organizada polo servizo de Asesoramento e Promoción do Estudante (SAPE) da Universidade da Coruña na Facultade de Dereito.

A feira tivo como obxectivo dar a coñecer as asociacións de alumnos que forman a UDC e as actividades que desenvolven. Ademais, puxéronse en contacto diversos servizos universitarios de interese para os propios estudantes.

A feira contou coa participación da Asociación de Estados Xerais dos Estudantes de Europa (AEGEE Coruña), a Asociación Galega de Ciencias Económicas e Empresariais (AIESEC), Asociación de Estudantes de Ciencias Económicas e Empresariais, Colectivo de Universitarios Activos (CUAC FM), Asociación Elsa, Comités, Iniciativa Estudiantil Galega (IESGA), Asociación Alheira, Asociación de Estudantes de Terapia Ocupacional de Galicia, Federación de Asociacións de Alumnos (Sindicato de Estudantes), FIC-NET Club, Grupo Coreander, Representantes de Estudantes de Dereito (REDE), Asociación EGO&ME (Espazo Galego de Movilización Escénica) e a Tuna Universitaria e como asociacións invitadas están Arquitectos Sen Fronteiras e Enxeñaría Sen Fronteiras.